Stjörnukokkurinn Jamie Oliver hækkaði verðið á sykruðum gosdrykkjum á veitingastöðum sínum undir nafninu Jamie's Italian á Bretlandi um 10 pens, eða um 14 krónur. Í kjölfarið minnkaði salan á þeim um 9%. Veitingastaðakeðjan endurhannaði jafnframt matseðilinn þar sem útskýrt var að hækkunin rynni til góðgerðarmála.
Of mikil neysla sykraðra drykkja hefur verið tengd við meiri áhættu á ýmsum heilsufarsvandamálum á borð við offitu, sykursýki, hjartasjúkdóma og tannskemmdir.
Oliver hefur verið mikill stuðningsmaður sykurskatts en yfirvöld í Bretlandi ætla að setja skatt á sykraða drykki frá og með apríl á næsta ári.