Hollustugyðjan og sjónvarpskokkurinn Ebba Guðný Guðmundsdóttir vandar vel valið á þeim eldhúsgræjum sem hún kaupir sér. Við fengum að vita hvaða tæki og tól eru í uppáhaldi hjá henni.
„1. Vita Mix blandarinn minn.“
Það kemur kannski ekki á óvart að í fyrsta sæti hjá Ebbu er Vitamix blandari - nákvæmlega sama græja og Solla á Gló setti í sitt fyrsta sæti þegar við á Matarvefnum spurðum hana sömu spurningar fyrir skemmstu.
„2. Kitchenaid vélin mín.“
Ebba á hvíta og klassíska vél.
„3. Vöfflujárnið mitt (tvöfalt) frá Aviken, hef líka átt frá Wilfa, frábær líka.“
„4. Fizzler pottarnir mínir frá Deutschland jawohl!“
„5. Bleiki Bamix töfrasprotinn minn en muna að taka úr sambandi strax og maður er búinn að nota hann og áður en maður fer að hreinsa!!!!!!!! - Svo ekki fari puttar af eða öllu verra tunga.“
„6. Nýja litla kopar pressukannan mín - fæ mér oft kaffii í kaffinu með sætum mola .. ég er alveg ferleg!!!“
Kopar könnuna keypti Ebba í Suður-Afríku.
mbl.is/