Matur | mbl | 26.6.2018 | 14:30

Nachos með kóresku nautakjöti

mbl.is/Berglind Guðmundsdóttir

Hér gefur að líta virkilega skemmtilegan rétt sem á eftir að slá í gegn. Hann er sérlega heppilegur sem snarl fyrir skemmtilegan fótboltaleik svo dæmi séu tekin.

Það er Berglind Guðmundsdóttir á Gulur, rauður, grænn og salt sem á heiðurinn að þessum rétti. Berglind klikkar ekki frekar en fyrri daginn. Frábær réttur sem er fullkominn fyrir fótboltaleikinn.

Nachos með kóresku nautakjöti

fyrir 4-6

600 g nautakjöt, t.d. ribeye eða sirloin
1 pera
1 laukur, saxaður smátt
4 hvítlauksrif, pressuð
1 msk. ferskt engifer, rifið
120 ml soyasósa, t.d. frá Blue dragon
2 msk. púðursykur
1 msk. eplaedik
2 tsk. sesamfræ
svartur pipar
nachos
ostasósa, keypt eða heimagerð
50 g cheddar-ostur
120 ml 18% sýrður rjómi, t.d. frá Mjólka
2 msk. safi úr lime
30 g sesamfræ, ristuð
1/2 búnt ferskt kóríander, saxað
3 vorlaukar (hvíti og ljósgræni hlutinn), skorinn í sneiðar
1 rautt chili, skorið í sneiðar

Aðferð:

Skerið nautakjötið i bita.
Blandið nautakjöti, peru, lauk, hvítlauk, engifer, soyasósu, púðursykri, ediki, sesamolíu og svörtum pipar saman í poka með rennilás. Setjið í kæli og geymið í að minnsta kosti 1 klukkustund eða yfir nótt.
Hitið olíu á pönnu og takið marinerað nautakjötið úr pokanum og brúnið á pönnunni í um það bil 4 mínútur. Bætið olíu á pönnuna eftir þörfum. Takið af pönnunni og leyfið að kólna. Þerrið af aukaolíu.
Raðið nachos í form og raðið nachos, nautakjöti, ostasósu og rifnum osti í nokkrum lögum eða þar til að hráefnið er búið. Setjið í 175°C heitan ofn í 5-10 mínútur eða þar til osturinn er bráðinn.