Þegar gólfefnið stelur senunni, þá lítur eldhúsið nokkurn veginn svona út. 

Hér sjáum við eldhús sem staðsett er hinum megin á hnettinum, eða í sólríku Ástralíu. Hönnunin liggur í höndunum á Arent & Pike og Polly Harbison Design, sem hafa vandað vel til verka eins og sjá má á meðfylgjandi myndum. Innréttingin er að hluta til flöskugræn með hvítum steini og brasseruðum handföngum og hinsvegar með viðarskápum og hvítum flísalögðum vegg. Stjarnan í partíinu er hins vegar terrazzo gólfefnið - eða grænar og hvítar tígullaga flísar sem endurspegla litavalið í sjálfri innréttingunni.