Litlar ommelettur í bollaköku formi

• 5-6 egg
• 1 tómatur, skorinn í litla bita
• ½ búnt ferskt basil, saxað gróft
• ½ búnt steinselja eða aðrar ferskar kryddjurtir, saxaðar gróft
• 1 msk. sólblómafræ
• 1 msk. hampfræ
• 2 msk. salatostur/fetaostur í litlum bitum
• 1 tsk. Gullkryddblanda
• 1 tsk. Miðausturlanda kryddblanda (má vera annað krydd sem þið elskið)
• Salt og pipar eftir smekk

Aðferð:

Hitið ofninn í 180°C hita.

Byrjið á því að píska saman eggin í góðri skál.

Setjið síðan allt hráefnið í skálin og hrærið öllu vel saman.

Hellið í bollakökuform, getið notað silíkon-form þá losna ommeletturnar vel úr forminu eftir bökun eða sett í hefðbundin bollakökuform.

Setjið inn í ofn og bakið í um það bil 14-16 mínútur.

Takið úr forminu og berið fram á falllegan hátt með því sem hugurinn girnist.