Írski grínistinn Dave Allen, sem varð frægur fyrir að sitja í svörtum leðurstól og segja brandara, er látinn, 68 ára gamall. Að sögn umboðsmanns lést Allen í svefni eftir að hafa átt við nokkur veikindi að stríða.
Allen fékk fyrst tækifærið árið 1959 þegar hann tók þátt í hæfileikakeppni hjá BBC. Hann ferðaðist með Bítlunum um Bretland og Frakkland en varð síðan frægur fyrir sjónvarpsþætti sína, He Tonight With Dave Allen og Dave Allen at Large.