Handteknir fyrir að daðra við stúlkur

Tæplega 60 ungir karlmenn hafa verið handteknir fyrir að daðra við stúlkur í verslunarmiðstöð í Mekka. Saksóknaraembættið hefur hafið rannsókn á málinu.

Mennirnir eru sakaðir um að hafa klætt sig með ósæmilegu hætti, leikið háværa tónlist og dansað í því augnamiði að ná athygli stúlknanna. Frá þessu greindi dagblaðið Saudi Gazette.

Mennirnir voru handteknir að beiðni sérstakrar nefndar sem hefur það verkefni að stuðla að skírlífi og koma í veg fyrir ódyggð, að því er segir á vef breska ríkisútvarpsins.

Siðferðislögreglan (mutaween) framfylgir þessum lögum.

Skemmst er frá því að segja þegar yfirvöld í Sádi-Arabíu bönnuðu sölu á rauðum rósum og öðru sem tengist Valentínusardeginum.

• 6 blogg um fréttina

Bloggað um fréttina

• Gísli Foster Hjartarson: Frétt ársins!
• Guðborg Eyjólfsdóttir: Hvernig dettur þeim í hug að daðra??
• Sigríður Sigurðardóttir: Döðruðu og dönsuðu....
• Brjánn Guðjónsson: ?
• Riddarinn : Er þetta lið allveg kolruglað?
• Snorri Bergz: Framtíðar sumarleyfisstaður Íslendinga?