„Ef dauðarefsing væri í gildi í þessu ríki, þá værir þú á leiðinni í rafmagnsstólinn,“ sagði John McBain, dómari í máli Camiu Gamet, konu sem dæmd var fyrir kaldrifjað morð á kærasta sínum. Dómarinn hreytti þessum orðum út úr sér þegar Gamet fór að hlæja í miðri frásögn frænku fórnarlambsins, sem sat grátkvalin í vitnastúkunni.
Þegar frænka fórnarlambsins hafði lokið máli sínu fór Gamet aftur að hlæja og spurði upphátt: „Var þetta allt og sumt?“ Dómarinn sagði þá við Gamet: „Nú þegir þú eða ég læt líma límband fyrir munninn á þér. Þú stakkst manninn. Þú sýndir enga miskunn, þú stakkst og stakkst og stakkst þar til hann drapst.“ Dómarinn lauk svo máli sínu með orðunum: „Ég er sammála fjölskyldu fórnarlambsins, ég vona að þú deyir í fangelsi. Ef dauðarefsing væri í gildi í þessu ríki, þá værir þú á leiðinni í rafmagnsstólinn.“
Hér má sjá myndband af viðbrögðum dómarans