Yfirmaður Alþjóðasambands flugfélaga, IATA, segir að lokun nánast allra helstu flugvalla í Evrópu síðustu daga vegna öskuskýsins frá Eyjafjallajökli sé „evrópskt klúður."

„Það tók fimm daga að skipuleggja símafund samgönguráðherra," sagði Giovanni Bisigani, framkvæmdastjóri IATA við breska útvarpið BBC. Samgönguráðherrar Evrópusambandsríkjanna ætla að halda myndsímafund í dag til að ræða um málið.

Bisigani sagði, að Evrópuríki notuðu enn kerfi sem byggt væri á líkönum og spám í stað þess að taka ákvörðun sem byggðist á staðreyndum og áhættumati. 

„Þessi ákvörðun (að loka lofthelgi) verður að byggjast á staðreyndum og áhættumati. Við verðum að taka upp raunhæft kerfi í stað allsherjarákvarðana af þessu tagi."

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• Blogga um frétt