Bifreið hlaðin sprengiefni sprakk við fjölfarna verslunargötu í höfuðborginni Bagdad í Írak í dag. AFP-fréttaveitan greinir frá því að minnst 14 hafi látið lífið í tilræðinu.

Sprengjan sprakk um klukkan hálfsex að staðartíma í hverfi shía-múslima. Sjónarvottar segja fjölmarga hafa verið við verslunargötuna þegar atvikið átti sér stað, en við hana má m.a. finna vinsæla veitingastaði og tísku- og skartgripaverslanir.

Fréttaveita AFP hefur það eftir háttsettum lögreglumanni að 14 séu látnir og 43 særðir. Meðal hinna látnu eru liðsmenn lögreglu- og öryggissveita borgarinnar.

Bílsprengjur eru nær daglegt brauð í Bagdad. Telja Sameinuðu þjóðirnar að minnst 1.119 manns hafi í síðasta mánuði fallið í vopnuðum átökum í landinu. Flestir þeirra eru almennir borgarar.

Tengdar fréttir

Írak

Bandaríkin hæfðu höfuðstöðvar Hisbollah

• Tuttugu ár frá umdeildri innrás í Írak
• Í heimsókn 20 árum eftir innrásina
• 23 skotnir til bana í Írak
• Forsætisráðherrann lifði af banatilræði

» Fleiri tengdar fréttir

• Blogga um frétt