Stjórnvöld í Ekvador munu veita Julian Assange, stofnanda Wikileaks, pólitískt hæli „eins lengi og það þarf“. Áfrýjunardómstóll í Svíþjóð staðfesti í gær handtökuskipun á hendur honum en hann fór fram á að varðhaldsúrskurður á hendur honum yrði felldur niður. Assange er eftirlýstur í Svíþjóð vegna meintra kynferðisbrota.
Assange hefur haldið sig í sendiráði Ekvador í Lundúnum í tvö ár til þess að forðast að vera framseldur til Svíþjóðar.
„Athvarf sem veitt var til Julian Assange er enn í gildi og ítrekar þær áætlanir að Assange verið áfram verndaður eins lengi og það þarf,“ sagði utanríkisráðherra Ekvador í yfirlýsingu.
Sænskir saksóknarar vilja yfirheyra Assange vegna ásakana um að hann hafi nauðgað og kynferðislega áreitt tvær konur á þrítugsaldri þegar að hann var í Svíþjóð árið 2010. Hann neitar sök.