Tyrknesk yfirvöld segja ekkert hæft í fréttum sem höfð eru eftir bandarískum embættismönnum um að Tyrkir hafi gert vopnahlé við Kúrda í norðurhluta Sýrlands.

Omer Celik, sem fer með samskipti Tyrklands við Evrópusambandsins í ríkisstjórn Tyrklands, segir að Tyrkir muni aldrei komast að samkomulagi við kúrdíska vígamenn. Tyrkland sé sjálfstætt ríki og taki sjálft ákvarðanir í sínum málum ekki Bandaríkjamenn. 

Bandarískur embættismaður greindi frá því í gær að sýrlenskir uppreisnarmenn, sem njóta stuðnings frá tyrkneskum yfirvöldum, og hersveitir Kúrda, sem hafa barist í norðurhluta Sýrlands að undanförnu, hafi samið um tímabundið vopnahlé. Þess í stað muni hersveitirnar sameinast í baráttunni gegn vígasveitum Ríkis íslams. Aðeins sé um lauslegt samkomulag að ræða en vonast sé til þess að það haldi.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt