Fyrrverandi forsetaframbjóðandi Venesúela, Henrique Capriles, heldur því fram að hann og sjö öðrum liðsmönnum stjórnarandstöðunnar hafi verið meinað að yfirgefa landið.
Capriles setti ljósmynd á Twitter með dómsúrskurði þess efnis að hann megi ekki yfirgefa Venesúela. „Enn og aftur eru þeir að sóa tíma sínum,“ skrifaði hann.
Y acá nos dictan prohibición de salida del país!Pierden una vez más su tiempo!Atentos a los anuncios en las próximas hrs! pic.twitter.com/u72rY4Lwqv
— Henrique Capriles R. (@hcapriles) October 21, 2016
Kosningayfirvöld í landinu hafa neitað að samþykkja undirskriftalista stjórnarandstöðunnar til að knýja fram þjóðaratkvæðagreiðslu um framtíð forsetans Nicolas Maduro.
Yfirvöld neituðu að samþykkja listann eftir að ríkisstjórar í nokkrum ríkjum landsins sögðu að dómstólar heima fyrir hefðu ógilt niðurstöðurnar vegna undirskrifta í svokallaðri fyrri umferð, sem þeir sögðu vera falsaðar.