Kona sem var á sundi í nágrenni eyjunnar St. Helena á suðurhluta Atlantshafsins varð fyrir árás hákarls. Maður hennar kýldi hákarlinn og hræddi hann þar með á brott að því er BBC hefur eftir sjónarvottum, en konan var flutt á sjúkrahús í nágrenninu.
Konan, sem er ríkisstarfsmaður á St. Helena, var að synda í nágrenni Ascension-eyju þegar hún varð fyrir árás hákarlsins.
St. Helena er hluti breska samveldisins og liggur um það bil miðja leið milli Afríku og Suður-Ameríku.