Líbísku hryðjuverkasamtökin Ansar al-Sharia hafa lagt upp laupana að því er fram kemur í tilkynningu frá forsvarsmönnum þeirra. Samtökin eru á hryðjuverkasamtakalista Sameinuðu þjóðanna og Bandaríkjanna enda eru þau talin bera ábyrgð á hryðjuverkaárás á bandaríska sendiráðið í Benghazi 11. september 2012. Fjórir létust í árásinni, þeirra á meðal sendiherrann.
Ansar al-Sharia hafa í gegnum tíðina haft mikil tengsl við al-Qaeda.