Nýtt innflytjendakerfi tekur gildi í Bretlandi í mars 2019 þar sem frjálsar ferðir fólks á milli Bretlands og Evrópusambandsríkja munu heyra sögunni til. Brandon Lewis innflytjendaráðherra lét hafa þetta eftir sér á fundi þar sem fjallað var um skýrslu sem greinir ítarlega kostnað og ávinning af innflytjendum frá Evrópusambandsríkjum.

Talið er að skýrslan verði tilbúin í september 2018, sex mánuðum fyrir Brexit. Amber Rudd innanríkisráðherra segir endanlega stefnu í málum innflytjenda frá Evrópusambandsríkjum verða myndaða eftir útgáfu skýrslunnar.

Rudd segir að ferlið byrji á svokölluðu framkvæmdastigi þar sem fólki frá Evrópusambandsríkjum, sem hyggst starfa í Bretlandi, verði gert að skrá sig formlega við komu til landsins.

Samtök iðnaðarins í Bretlandi hafa gefið út að fyrirtæki í landinu þurfi nauðsynlega að fá upplýsingar um nýja kerfið. Mál innflytjenda var eitt af aðalumræðuefnum síðasta árs í kringum þjóðaratkvæðagreiðsluna þar sem ráðherrar lofuðu að taka „aftur“ stjórn á landamærum Bretlands.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt