„Góða nótt elskan“

Joseph Tobin.
Joseph Tobin. Af Wikipedia

Tíst frá erkibiskupi í New Jersey hefur vakið mikla athygli. Hann skrifaði einfaldlega: „Góða nótt elskan. Ég elska þig.“

Talsmaður biskupsins hefur nú varpað ljósi á málið og segir að skilaboðin hafi verið ætluð systur hans. Færslunni var síðan eytt.

Biskupinn Joseph Tobin á að sögn talsmanns síns átta yngri systur. Hann skrifar mjög sjaldan færslur á Twitter.

Tobin er 65 ára. Hann var gerður að erkibiskup í Newark árið 2017.

Flestir eru á því að skilaboðin hafi verið skemmtileg. 

AP-fréttastofan greinir frá. 

mbl.is
Fleira áhugavert
Fleira áhugavert