N-Kórea reiðubúin að ræða við Bandaríkin
Setja bókamerki
Yfirvöld í Suður-Kóreu segja að nágrannaríki þeirra í norðri sé reiðubúið til að ræða við bandarísk stjórnvöld. Greint var frá þessu eftir að norðurkóreski hershöfðinginn Kim Yong-chol átti fund með Moon Jae-in, forseta S-Kóreu, fyrir lokaathöfn Vetrarólympíuleikanna í S-Kóreu.
Ivanka Trump, dóttir Bandaríkjaforseta, verður viðstödd athöfnina, en bandarískir embættismenn hafa útilokað að eiga fund með sendifulltrúum N-Kóreu.
Bandaríkjamenn segja að fulltruár N-Kóreu hafi hætt við fund með Mike Pence, varaforseta Bandaríkjanna, þegar opnunarhátíð Vetrarólympíuleikanna fór fram.
Sumir líta á sættir á milli ríkjanna á Kóreuskaga sem leið N-Kóreu til að reka fleyg á milli Bandaríkjanna og S-Kóreu.
Norðurkóreski hershöfðinginn átti fyrr í dag fund með forseta S-Kóreu. Talsmaður forsetans segir að N-Kórea sé reiðbúin að eiga fund með bandarískum yfirvöldum og að N-Kórea sé því sammála að mikilvægt sé að ríkin eigi í samtölum sín á milli.
Björninn sagður nálægt byggð
Hætta vegna jarðfalls í sprungur metin töluverð
Davíð Viðarsson var skyndihugdetta
Glæpastarfsemi orðin mun skipulagðari
Tveir í haldi grunaðir um mansal og smygl á fólki
Fjarskiptatæki um alla borg sprungu samtímis