Fagurbleik blóm kirsuberjatrjánna í Tókýó eru mikill vorboði þar í borg. Um leið og þau springa út, sem gerðist nú um helgina, tilkynnir veðurstofan formlega að vorið sé komið. Í ár birtust blómin á trjánum níu dögum fyrr en á síðasta ári.
Vegfarendur njóta þess að dást að trjánum en kaupmenn notfæra sér einnig þennan árstíma til að bjóða varning tengdum blómunum til sölu. Þá bjóða veitinga- og kaffihús mat og drykki sem tileinkaðir eru vorinu og fallegu blómunum.
Næstu tvær vikurnar verða bleiku og hvítu blóm kirsuberjatrjánna allsráðandi í görðum borgarinnar.