Fundurinn verður á fimmtudaginn
Setja bókamerki
Christine Blasey Ford, sem hefur sakað Brett Kavanaugh, dómaraefni Donald Trumps Bandaríkjaforseta, um kynferðislegt ofbeldi þegar þau voru á táningsaldri, hefur samþykkt að bera vitni fyrir dómsmálanefnd bandarísku öldungadeildarinnar næstkomandi fimmtudag. Í gær var tilkynnt að hún kæmi fyrir nefndina í næstu viku en nú hefur lögmaður hennar staðfest að það verði á fimmtudaginn. AFP-fréttastofan greinir frá.
Áður hafði verið greint frá því að nefndin vildi að fundurinn færi fram á mánudag, en skilyrði Ford væri að hann yrði á fimmtudaginn. Það virðist hafa verið samþykkt.
„Við samþykktum að hún kæmi fyrir nefndina fimmtudaginn 27. september, klukkan 10. Þrátt fyrir að hafa fengið bæði líflátshótanir og haturspósta telur Ford það mikilvægt fyrir öldungadeildina að heyra hvað hún hefur að segja,“ segir í yfirlýsingu frá lögmanni Ford.
Ásakanir Ford rötuðu í bandaríska fjölmiðla fyrr í september, en hún segir atvikið hafa átt sér stað í unglingasamkvæmi árið 1982. Þar hafi Kavanaugh, í félagi við annan ungan mann, rekið hana inn í svefnherbergi í unglingasamkvæmi á heimili í Montgomery-sýslu. Þeir hafi báðir verið mjög ölvaðir og félaginn hafi horft á meðan Kavanaugh hafi reynt að koma sínu fram í rúmi í herberginu, þuklað á henni og misnotað.
Vonast til að tjaldbúðir við HÍ standi áfram
Mál hjúkrunarfræðingsins fer aftur fyrir héraðsdóm
Hvorki sést áður hér á landi né annars staðar
Banna mengandi búnað sem leyfður er á Íslandi
„Höfum ekki náð að skríða upp úr þeirri gryfju“
Strand skemmtiferðaskips kallar á erlenda aðstoð
Bergnuminn í Hvalfirði
Gígbarmurinn hækkað frá því í gær