Sænska lögreglan er nú með mikinn viðbúnað í Östermalm-hverfinu í Stokkhólmi eftir að bréf sem innihélt duft var sent í fyrirtæki í hverfinu, að því er sænska ríkisútvarpið SVT greinir frá.
Eru lögregla, hjálparsveitir og sjúkrabílar þegar komin á vettvang. Verið er að rannsaka innihaldsefnin í bréfinu, en á meðan hefur götum í kringum Ingmar Bergmans gata verið lokað.
Segir Anna Westberg, talsmaður embættis lögreglustjóra, að lögreglumenn séu með hlífðargrímur til að fyllsta öryggis sé gætt.
SVT segir tíu manns hafa verið á staðnum þegar bréfið var opnað. Ekki liggi hins vegar fyrir hversu margir hafi komist í snertingu við duftið sem í því var, né heldur hvort að þeir hafi sýnt einhver einkenni.
"En förundersökning gällande olaga hot mot grupp är inledd." enl Polisen.
— Goten 🇸🇪 (@gotiskaklubben) October 17, 2018
re Östermalm, Ingmar Bergmans Gata, Stockholmhttps://t.co/lb4JNc34gh pic.twitter.com/yvkeu16ROx
Einhver fjöldi fólks verður þó sendur í sótthreinsun og mun hún taka nokkurn tíma að sögn Westberg. „Það eru engar upplýsingar um meiðsli á fólki eins og er,“ segir hún.
Lögregla rannsakar málið hins vegar sem ógn, en ekki liggur fyrir hversu langan tíma aðgerðir á vettvangi munu taka. SVT hefur þó eftir lögreglumanni á vettvangi að svo virðist sem einhverjir hafi sýnt viðbrögð við kemískum efnum.
Okänt ämne orsakar avspärrningar på Östermalm – personer ska sanerashttps://t.co/wfSGPXFeEr pic.twitter.com/iT6WbTnNQz
— Nyheter24 (@Nyheter24) October 17, 2018
Vad har hänt? Östermalm. Poliser, brandbilar och typ 15 ambulanser. pic.twitter.com/sIwQMaQAf3
— Victor Björklund (@BjorklundVictor) October 17, 2018