Ríkisstjórn Bretlands hefur ákveðið að setja breska herinn í viðbragðsstöðu í tengslum við áform stjórnvalda um að stórauka undirbúning fyrir þann möguleika að landið yfirgefi Evrópusambandið án þess að samið verði sérstaklega um það við sambandið.

Frétt af mbl.is

Undirbúa útgöngu án samnings

Fram kemur á fréttavef breska dagblaðsins Daily Telegraph að herinn verði til taks verði þörf fyrir stuðning við að halda uppi röð og reglu. Gavin Williamson, varnarmálaráðherra Bretlands, sagði í neðri deild breska þingsins í dag að 3.500 hermenn yrðu í viðbragðsstöðu reiðubúnir að styðja við opinberar stofnanir við að takast á við erfiðleika sem gætu komið upp.

Ráðherrum í ríkisstjórninni var greint frá því á fundi hennar í dag að litið væri nú svo á að útganga úr Evrópusambandinu án samnings yrði sjálfkrafa raunin ef ekki tækist að semja við sambandið. Gert er ráð fyrir að Bretland yfirgefi Evrópusambandið 29. mars.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt