Kanadísk stjórnvöld eru sorgmædd og í áfalli eftir að kanadískur jarðfræðingur var myrtur í Burkina Faso eftir að vígamenn námu hann á brott úr gullnámu.
„Kanada er í áfalli og mjög sorgmætt yfir því að Kirk Woodman, sem var rænt 15. janúar 2019, hafi verið drepinn í Burkina Faso,“ sagði Chrystia Freeland, utanríkisráðherra Kanada.
„Kanada fordæmir þá sem bera ábyrgð á þessum hryllilega glæp. Við störfum með stjórnvöldum í Burkina Faso og öðrum erlendum félögum til að finna þá sem bera ábyrgð á þessu og koma þeim í hendur réttvísinnar.“
Talsmaður varnarmálaráðuneytis Burkina Faso sagði að Woodman hefði verið skotinn til bana. Honum var rænt á þriðjudagskvöld þegar vígamenn ruddust inn í gullnámu sem er í eigu Progress Minerals.
#Breaking: Kirk Woodman, Canadian man kidnapped in Burkina Faso, found dead, report says. Full story here: https://t.co/sMkEc59ThT
— TorontoStar (@TorontoStar) January 17, 2019