Trump tístir um landráð
Setja bókamerki
Donald Trump Bandaríkjaforseti segir að meintar viðræður aðstoðardómsmálaráðherra Bandaríkjanna um að koma honum frá völdum árið 2017 hafi verið hluti af ólöglegri árás gegn honum sem feli í sér landráð.
Að sögn Andrew McCabe, sem var starfandi forstjóri bandarísku alríkislögreglunnar, FBI, ræddi Rod Rosenstein aðstoðardómsmálaráðherra þennan möguleika eftir að Trump rak James Comey sem forstjóra FBI en McCabe tók við starfi hans.
Rosenstein, sem hefur neitað því að hafa rætt þetta, er sagður hafa talað um möguleikann á því að virkja 25. grein stjórnarskrárinnar.
McCabe og Rosenstein „litu út fyrir að vera að skipuleggja lögbrot og þeir náðust…“ sagði Trump á Twitter og bætti við að um landráð hafi verið að ræða.
Forsetinn hefur margoft gagnrýnt rannsókn á meintum afskiptum Rússa af kosningaherferð hans og segir þær vera nornaveiðar.
„Höfum ekki náð að skríða upp úr þeirri gryfju“
Krefjast stöðvunar framkvæmda
Skiptir miklu meira máli en fólk grunar
Væri að ljúga ef ég segðist ekki stressaður
Gígbarmurinn hækkað frá því í gær
Skemmtiferðaskip hætt komið nærri Viðey