Sex barna faðir frá Norður-Karólínu-ríki í Bandaríkjunum lést eftir að alda skall á honum með þeim afleiðingum að hann hálsbrotnaði.
Lee Dingle, 37 ára, var að leika sér með þremur af börnum sínum á strönd Oak-eyju á fimmtudag þegar aldan skall á honum og hann féll til jarðar. Við höggið hálsbrotnaði Dingle og náði hann ekki að anda vegna meiðsla sinna í of langan tíma. Hann var úrskurðaður látinn daginn eftir, á föstudag, þrátt fyrir tilraunir björgunaraðila til að endurlífga hann.
Eiginkona Dingle, Shannon, greindi frá andláti eiginmanns síns á samfélagsmiðlum í gær. Þá sögðu samstarfsfélagar Dingle í samtali við CNN að hans yrði sárt saknað, en Dingle hafði fengið stóra stöðuhækkun á vinnustað sínum aðeins tveimur vikum fyrir andlát sitt.
View this post on InstagramA post shared by Shannon Dingle (@shannondingle) on Jul 20, 2019 at 9:15pm PDT