Átján látnir eftir eldgosið á Nýja-Sjálandi
Setja bókamerki
Átján eru látnir eftir eldgosið sem varð á Hvítueyju á Nýja-Sjálandi en lík tveggja þeirra hafa ekki fundist.
Lögreglan á Nýja-Sjálandi greindi frá þessu.
Leit hefur staðið yfir að líkunum, bæði í sjó og á landi, en hún hefur ekki skilað árangri. Að sögn Mikes Clements aðstoðaryfirlögregluþjóns eru „allar líkur“ á því að líkin hafi endað í sjónum eftir að hafa verið í straumnum þar sem þau sáust síðast á mánudaginn.
„Leitarhóparnir eru óánægðir. Við skiljum fullkomlega hversu erfitt þetta er fyrir aðstandendur sem vilja að líkin finnist,“ sagði Clement.
47 manns voru á eyjunni, sem er vinsæll ferðamannastaður, þegar eldgosið varð. 26 eru á sjúkrahúsi, þar af 20 alvarlega slasaðir.
Lögreglan hefur birt nöfn sjö fórnarlamba sem borin hafa verið kennsl á. Á meðal þeirra er nýsjálenskur leiðsögumaður, Tipene James Te Rangi Ataahua Maangi, sem var 24 ára. Fjórir voru ástralskir, eða þau Zoe Ella Hosking, 15 ára, stjúpfaðir hennar Gavin Brian Dallow, 53 ára, Anthony James Langford, 51 árs, og Karla Michelle Mathews, 32 ára.
Þeir Matthew Robert Hollander, 13 ára, og Berend Lawrence Hollander, 16 ára, voru bandarískir ríkisborgarar en búsettir á Nýja-Sjálandi.
„Fólk þolir óvissu í ákveðinn tíma“
Framboð Viktors metið gilt
Átta létust og 229 slösuðust alvarlega
Fólk í kosningateymi Höllu fékk milljónir frá OS
Móðirin sögð hafa játað að verða syni sínum að bana
Halla svarar fyrir útgjöldin hjá Orkustofnun
Stofna framkvæmdanefnd um málefni Grindavíkur
Um 5.000 milljarðar í enduruppbyggingu
