Tveir menn hafa látist, rafmagn hefur farið af þúsundum heimila og ökumenn voru fastir á ísilögðum vegum í nótt vegna óveðurs sem hefur gengið yfir norðurhluta Bretlands.
Báðir mennirnir létust eftir að tré féllu á bílana þeirra. Annar þeirra, sem var kennari, lést á Norður-Írlandi seint í gærkvöldi, að sögn lögreglunnar. Hinn lést í Cumbria-sýslu á Englandi.
Two people killed by falling trees after Storm Arwen sweeps across parts of the UK with high winds, rain and snowhttps://t.co/OSUzBLy7t1
— BBC News (UK) (@BBCNews) November 27, 2021
„Fólk á að halda sig fjarri ströndinni vegna þess að öldur og lausamunir geta sett fólk í lífshættu,“ sagði í yfirlýsingu frá bresku veðurstofunni.
Vindhviður mældust á 160 kílómetra hraða á klukkustund og rafmagn fór af á 55 þúsund heimilum í norðurhluta Englands.
Í Skotlandi hefur rafmagnið farið af um 80 þúsund heimilum, að sögn BBC. Áfram er varað við slæmu veðri á Bretlandseyjum í dag.