Þýsku stéttarfélögin Verdi og EVG hafa boðað umfangsmikil verkföll sem munu lama samgöngur í landinu.
Starfsfólk félaganna, sem krefjast hærri launa vegna síhækkandi verðbólgu, munu leggja niður störf næsta mánudag að óbreyttu.
Þýskaland er stærsta hagkerfi Evrópu og bætast verkföllin í hóp annarra aðgerða sem stéttarfélög hafa boðað að undanföru í sinni baráttu fyrir bættum kjörum félagsmanna.
Aðgerðirnar sem voru kynntar í dag munu hafa áhrif á flugvelli, hafnir, lestarsamgöngur, rútuferðir og jarðlestar.