Farþegarnir sem slösuðust þegar flugvél Singapore Airlines lenti í mikilli ókyrrð á leið frá Lundúnum til Singapúr fyrr í þessari viku hlutu höfuðkúpu-, heila- og mænuskaða.

Frá þessu greindi yfirmaður sjúkrahússins í Bangkok í Taílandi í dag en 40 manns eru enn á sjúkrahúsi, þar af 20 á gjörgæslu, eftir atvikið. 

Frétt af mbl.is

Tuttugu á gjörgæslu og fleiri en hundrað slasaðir

73 ára gamall Breti lést úr hjartaslagi í fluginu og 104 slösuðust og þeirra á meðal var einn Íslendingur sem var um borð. 211 farþegar voru um borð í vélinni auk 18 manna áhafna.

Adinun Kittiratanapaibool, forstjóri Samitivej Srinakarin sjúkrahússins í Bangkok, segir að starfsmenn sjúkrahússins séu að meðhöndla sex manns vegna höfuðkúpu- og heilaskaða, 22 vegna mænuskaða og 13 vegna bein-, vöðva- og annarra áverka.

Frétt af mbl.is

Íslendingurinn fluttur á sjúkrahús

„Við höfum aldrei meðhöndlað fólk með svona meiðsli af völdum ókyrrðar,“ sagði forstjórinn við fréttamenn í dag og bætti við að hinir slösuðu sem eru á sjúkrahúsinu séu á aldrinum tveggja til 83 ára.

Tengdar fréttir

Ókyrrðarslys í Singa­pore Air­lines

Rannsaka sambærilegt atvik yfir Íslandi

• „Eins og mér hefði verið dúndrað upp í loftið“
• Íslendingurinn enn á sjúkrahúsi 5 dögum eftir slysið
• Slökkt á beltisljósinu þegar ókyrrðin skall á
• Íslendingurinn enn á sjúkrahúsi í Taílandi

» Fleiri tengdar fréttir

• Blogga um frétt