Kona í Dóminíkanska lýðveldinu eignaðist sexbura sl. mánudag, þrjár stúlkur og þrjá drengi. Öll börnin lifa þótt smá séu en þau vógu um 900 grömm hvert um sig. Einn drengurinn var settur í öndunarvél en hin börnin eru í súrefniskössum.
Foreldrarnir, Maxima Perez og Emilion Figuerero, eiga fyrir fimm ára dóttur. Maxima gekkst undir frjósemismeðferð þegar þeim hjónum gekk illa að eignast fleiri börn.