Verið er að bjarga áhöfn og farþegum á farþegaskipinu Explorer við strendur Argentínu en talið er að skipið hafi rekist á eitthvað,væntanlega ís, í Suðuríshafinu. Samkvæmt upplýsingum frá strandgæslu voru um 100 farþegar og 54 í áhöfn skipsins. Þeim hefur öllum verið bjargað frá borði og eru komnir um borð annað farþegaskip.
Bæði skipin eru á vegum norsku útgerðarinnar Hurtigruten.
Fremur gott veður er á þessum slóðum en mjög kalt líkt og eðlilegt er á þessum stað.
Samkvæmt upplýsingum frá fréttaritara Morgunblaðsins á Húsavík hefur Explorer oft haft viðkomu á Íslandi, þar á meðal á Húsavík líkt og sést á myndinni.