30 manns tóku þátt í móti skákfélagsins Hróksins í félagsheimilinu Trékyllisvík í Árneshreppi laugardag fyrir páska. Talsverður áhugi er fyrir skák meðal grunnskólabarna í hreppnum. Trausti Steinsson varð í fyrsta sæti og hlaut bikar frá Hróknum.
Margrét Guðfinnsdóttir varð efst í kvennaflokki. Hrafn Jökulsson, forseti skákfélagsins Hróksins, tefldi fjöltefli um kvöldið og tóku 26 þátt í því.