Elísabet önnur Englandsdrottning mun ekki verða við brúðkaup sonar síns Karls Bretaprins og Camillu Parker Bowles, að því er fram kemur í tilkynningu frá Buckingham höll. „Drottningin mun ekki verða við hina borgaralegu athöfn því hún veit að prinsinn og Parker Bowles vildu ekki gera mikið úr athöfninni,“ sagði í tilkynningunni.
Talskona drottningar lagði áherslu á að drottningin væri ekki að sýna brúðhjónunum neins konar lítilsvirðingu en hún sagðist nýlega styðja þá ákvörðun parsins að ganga í hjónaband. Sagði hún að drottningin myndi verða við athöfn eftir giftinguna þar sem bænastund og blessun færi fram í Windsor-kastala.
Búist hafði verið við því að drottningin yrði viðstödd brúðkaupið en talið er að synir Karls og Díönu prinsessu heitinnar, William og Harry, verði viðstaddir og einnig Tom og Laura, börn Camillu.