„Viðræðurnar eru á viðkvæmu stigi,” segir Unnar Örn Ólafsson, formaður Félags flugmálastarfsmanna (FFR), spurður út í gang mála í kjaraviðræðum félagsins og Sameykis við samninganefnd Samtaka atvinnulífsins.

Fundur hófst í Karphúsinu klukkan 9 í morgun og segir Unnar Örn lítið að frétta sem stendur.

„Á meðan við getum haldið samtalinu gangandi þá höldum við áfram,” bætir hann við, spurður hversu lengi skal funda í dag.

Fyrirhugaðar verkfallsaðgerðir á Keflavíkurflugvelli eiga að hefjast á fimmtudaginn. Ótíma­bundið yf­ir­vinnu- og þjálf­un­ar­bann gild­ir frá klukkan 16 þann dag ásamt tíma­bundn­um og tíma­sett­um vinnu­stöðvun­um.