Kviknaði í dráttarvél við Þórustaði í Bitrufirði

Litlu munaði að eldur færi í fjárhús þegar kviknaði í dráttarvél við bæinn Þórustaði í Birtrufirði um klukkan eitt í dag. Dráttarvélin stóð við fjárhús þar sem kindur voru inni og hefði getað farið illa ef eldurinn hefði náð þangað. Má þakka snarræði íbúa á bænum og bænda í nágrenninu að ekki fór verr því þeir náðu að halda eldinum í skefjum þar til slökkviliðið kom á staðinn, að sögn lögreglunnar á Hólmavík.

Talið er að kviknað hafi í út frá rafmagni.

• Blogga um frétt