Eva Longoria neitaði að koma nakin fram í atriði sem verið var að taka upp fyrir sjónvarpsþáttaröðina Aðþrengdar eiginkonur. Það var ekki fyrr en framleiðendurnir færðu henni súkkulaði af dýrustu gerð að hún samþykkti atriðið.
Longoria var ekki ánægð með atriðið þar sem sögupersónan sem hún leikur, Gabrielle Solis, gerir jógaæfingar allsnakin. Mun hún hafa róast mjög við að fá súkkulaðið og nú passar framleiðandi þáttanna Marc Cherry sig á að eiga ávallt birgðir af Godiva súkkulaði.
Atriðið mun vera bráðfyndið og töluvert eggjandi.
Longoria hefur nýlega sagt blaðamönnum að hún gefi öllum vinkonum sínum titrara í afmælisgjöf. Telur hún að besta gjöf sem kona getur fengið er að læra að njóta eigin líkama og segist glöð gefa vinkonum sínum rafvædd hjálpartæki til að þær geti uppgötvað eigin kynhvöt.
Hún hefur nefnilega lýst því yfir að hún hafi ekki upplifað fullnægingu fyrr en hún notaði titrara og eftir að hún tjáði sig opinberlega um titrarana fékk hún að gjöf marga kassa af hjálpartækjum ástarlífsins og átti því birgðir af slíku til að gefa vinkonum sínum.