Brimvarnargarður við Ánanaust rofnaði

Brimvarnargarðurinn við Ánanaust og Eiðsgranda í Reykjavík rofnaði í miklum öldugangi í gærkvöldi. Í morgun kom í ljós að mikið grjót hafði kastast á land og göngustígur meðfram varnargarðinum er nánast horfinn. Brimið á greiða leið á land í gegnum gatið og ljóst er að hækka þarf varnargarðinn.

Ólafur Bjarnason aðstoðarsviðsstjóri framkvæmdasviðs Reykjavíkurborgar sagði að verið væri að athuga hækkun og styrkingu varnargarðsins með tilliti til þess að hann væri farinn að rofna oftar en á fimm ára fresti. Ólafur sagði að annað sem þyrfti að hafa í huga væri að menn vildu ekki hækka garðinn svo mikið að útsýni skertist.

• 3 blogg um fréttina

Bloggað um fréttina

• Brynjar Hólm Bjarnason: Feneyjar norðursinns
• Níels A. Ársælsson.: Fárviðri brýtur 150 metra skarð í aðalhafnagarðinn í Reykjavík.
• Sigurður G. Tómasson: Flóð á fimm ára fresti?