Ólafur kjörinn borgarstjóri
Setja bókamerki
Ólafur F. Magnússon, borgarfulltrúi F-lista, var kjörinn borgarstjóri á aukafundi borgarstjórnar í dag með 8 atkvæðum gegn 7. Um leið og Hanna Birna Kristjánsdóttir, nýkjörinn forseti borgarstjórnar lýsti kjörinu púuðu áhorfendur í salnum hátt og hrópuðu slagorð.
Gerði Hanna Birna þá hlé á fundinum en hún hafði áður ítrekað sagt, að salurinn yrði rýmdur ef áhorfendur yrðu ekki við tilmælum um að hafa hljóð.
Lögreglumenn komu á áhorfendapallana en beittu sér ekki. Var starfsmönnum Ráðhússins þess í stað falið að reyna að koma áhorfendunum út með góðu. Mæltust þeir til þess að fólkið yfirgæfi pallana en því svar svarað með hrópum: Við förum ekki. Heldur er þó færra á áhorfendapöllunum en í upphafi borgarstjórnarfundar.
Óvíst var hve lengi fundarhléið myndi standa.
Sennilega gróðureldur, ekki ný sprunga
Fjöldi brota ríflega sexfaldaðist
Færri nota rafhlaupahjól eftir djammið
Ók á ofsahraða á móti umferð og uppi á stétt
Tveggja mánaða flandur um Nýja-Sjáland
Fimm dauðir hvolpar fundust í poka
Laugavegur hjólaferðamannsins að fæðast