Lögreglan á höfuðborgarsvæðinu lýsir eftir Robert Dariusz Sobiecki, 19 ára. Þeir sem geta gefið upplýsingar um ferðir hans eða dvalarstað eru beðnir að hafa samband við lögregluna í síma 444-1100.
Hæstiréttur dæmdi Robert Dariusz Sobiecki í 3 ára fangelsi í síðustu viku fyrir að nauðga stúlku á salerni Hótels Sögu í mars á síðasta ári. Málið var lengi í réttarkerfinu en Robert Dariusz var upphaflega sýknaður í Héraðsdómi Reykjavíkur. Hæstiréttur ómerkti þann dóm og vísaði málinu aftur til héraðsdóms, sem dæmdi hann þá í 3 ára fangelsi.
Páll Winkel, fangelsismálastjóri, segir að Robert Dariusz Sobiecki hafi verið í farbanni þar til dómur féll í Hæstarétti. Fangelsismálayfirvöld hafa heimild til þess að gefa út handtökuskipun þegar dómur fellur þegar nauðsyn þykir og það var gert í þessu tilviki.
Að sögn Páls hafa yfirvöld ekki upplýsingar um hvar Robert Dariusz Sobiecki er að finna en hann mun hefja afplánun um leið og hann finnst.