„Skyggnið er einn metri. Ástandið er mjög slæmt,“ segir Magnús Ragnarsson lögreglumaður á Hvolsvelli, en gífurlegt öskufall er núna undir Eyjafjöllum. Ekki er hægt að hleypa umferð á veginn yfir Markarfljót þó að hann sé tilbúinn.

Spáð er norðaustanátt í dag og því má búast við að þetta ástand vari fram eftir degi.

Vegagerðin kláraði að gera við veginn yfir Markarfljót kl. 19 í gærkvöldi. Ákveðið var hins vegar að hleypa ekki umferð á veginn vegna óvissu um hvernig mál myndu þróast í nótt. Í morgun var vegurinn undir Eyjafjöllum ófær vegna öskufalls.

Flutningabílar hafa beðið eftir að komast yfir veginn, en þeir geta ekki farið yfir gömlu brúna yfir Markarfljót. Mjólkurbíll ætti að fara í dag og sækja mjólk til bænda. Ekki mun þó skapast neitt vandræðaástand þó að það dragist til morguns.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 4 blogg um fréttina

Bloggað um fréttina

• Ómar Ragnarsson: Nálægðin ræður öllu.
• Gunnar Th. Gunnarsson: Ég myndi ekki þora inn í þetta
• Njörður Helgason: Vonandi eru dýrin á húsi.
• Mofi: Gósentíð sköpunarsinna