Náttúrufræðistofnun Íslands hefur áhuga á að eignast beinagrindina úr steypireyði sem rak á land við eyðibýlið Ásbúðir á Skaga á dögunum.
Dýrið er 21,8 metrar á lengd. Guðmundur Guðmundsson hjá stofnuninni segir afar sjaldgæft að slíka skepnu reki hér á land. „Við ákváðum að bregðast strax við enda er þetta í raun eina leiðin til að eignast sýnishorn af svona skepnu. Þær eru alfriðaðar,“ segir hann í Morgunblaðinu í dag.