Lögreglan á Akureyri er viss um að kveikt var í húsi við Eiðsvallagötu aðfaranótt sunnudags.
Eldurinn kom upp innan við opinn kjallaraglugga og mikinn reyk lagði um húsið. Ljóst er að ekki kviknaði í út frá rafmagni. Enginn er grunaður um verknaðinn og vitni hafa ekki gefið sig fram.
Fjögur ungmenni, sem voru sofandi í húsinu, sluppu naumlega lifandi vegna þess að maður, sem fyrir tilviljun var á gangi við götuna, heyrði í reykskynjara og barði húsið utan.