Lokanir vega sem hafa verið auglýstar vegna eldhræringa í Holuhrauni í nótt eru enn í gildi, þrátt fyrir að mjög hafi dregið úr virkni þar og aðeins gufubólstrar sem stíga til himins. Lögreglustjórinn á Húsavík hefur eftirlit með því að lokanir séu virtar og eru björgunarsveitarmenn honum til halds og trausts.
Blaðamaður og ljósmyndari Morgunblaðsins og mbl.is eru á vegum úti og segja að gæsla sé mjög mikil í kringum eldstöðina, og vel tryggt að vegfarendur komist ekki að henni. „Staðan er sú að ástandið á svæðinu er ekki tryggt,“ sagði Svavar Pálsson, sýslumaður á Húsavík, í samtali við mbl.is, í morgun.
Á meðfylgjandi myndum má sjá hvernig vegum hefur verið lokað.
Kort af lokuninni