Það er hálka og snjóþekja á Suðurlandi en hálkublettir og hálka á Suðvesturlandi. Flughált er undir Eyjafjöllum og að Vík. Þetta kemur fram í tilkynningu frá Vegagerðinni.
Á Vesturlandi er hálka og snjóþekja.
Á Vestfjörðum er hálka eða snjóþekja á flestum leiðum. Flughálka er á milli Súðavíkur og Ísafjarðar. Þæfingsfærð er á Gemlufallsheiði og hálka og þoka á Steingrímsfjarðarheiði.
Snjóþekja eða hálka er á Norður- og Austurlandi.
Á Suðausturlandi er hálka og víða flughált.
Vegna óvenju mikils jarðsig á Siglufjarðarvegi eru vegfarendur beðnir að gæta ýtrustu varúðar.