Björt framtíð vinnur mann á kostnað Framsóknarflokksins, samkvæmt nýrri skoðanakönnun Gallup á fylgi flokkanna í borgarstjórn Reykjavíkur. RÚV sagði frá könnuninni.
Fylgi Samfylkingar og Framsóknarflokksins minnkar samkvæmt könnuninni. Sjálfstæðisflokkurinn stendur í stað meðan aðrir flokkar bæta við sig fylgi.
Samfylkingin fékk 29% í könnuninni, Sjálfstæðisflokkurinn 25%, Björt framtíð 18%, Píratar 11%, VG 10% og Framsóknarflokkurinn 6%.
Gallup gerði könnunin á rímabilinu 17. nóv. til 17. des. Úrtakið í könnuninni var ríflega 4.100 og var svarhlutfall rúm 60%.