María Ólafsdóttir söngkona var leynigestur í fjölskyldumessu í Bústaðakirkju á æskulýðsdegi þjóðkirkjunnar. Hún söng lagið Lítil skref sem verður framlag Íslands í Söngvakeppni evrópskra sjónvarpsstöðva í maí.
Hljómsveit úr Tónlistarskóla Árbæjar kom einnig fram í messunni og flutti þekkt dægurlög og barna- og unglingakórar Bústaðakirkju sem sungu. Sjálfboðaliðar og starfsfólk kirkjunnar þjónuðu í messunni.