Þjóðgarðsverðir í Vatnajökulsþjóðgarði hafa beint þeim fyrirmælum til gesta þjóðgarðsins að þeir leiti leyfis hjá landvörðum hyggist þeir fljúga drónum innan marka þjóðgarðsins.
Fram kemur á heimasíðu þjóðgarðsins að þrjár ástæður séu að baki þessari ákvörðun: Vernd náttúru (dýralífs) í þjóðgarðinum, öryggi gesta og í þriðja lagi markmið þjóðgarðsins um gæðaupplifun gesta.
Stuðst er við 9. grein reglugerðar um Vatnajökulsþjóðgarð, en þjóðgarðsverðir og landverðir geta veitt leyfi til notkunar dróna.