„Hér eru bakaðar einhverjar þúsundir bolla en ef ég man rétt þá láta Íslendingar ofan í sig einhver hundruð þúsunda rjómabolla á sjálfan bolludaginn,“ segir Sigurður Már Guðjónsson, bakara- og kökumeistari Bernhöftsbakarís.
Þetta er fyrsti bolludagur bakarísins á nýjum stað en í október færði það sig um set og er nú til húsa þar sem Björnsbakarí var áður við Skúlagötu.
Spurður hvaða bollur séu vinsælastar segir hann langmest selt af vatnsdeigsbollum.