Það mátti sjá ýmsar verur skjótast um snemma í morgun og flestar þeirra virtust stefna á búðir eða fyrirtæki þar sem hægt væri að syngja og fá nammi í staðinn á öskudaginn.
Öskudagur er upphafsdagur lönguföstu, miðvikudagurinn í 7. viku fyrir páska. Öskudagur kemur fyrir í íslenskum handritum frá 14. öld og leiða má líkum að því að það sé enn eldra. Þar má sjá að dagurinn gegnir sama hlutverki hér og í öðrum katólskum sið í Evrópu, hann er dagur iðrunar fyrir gjörðar syndir.
Krakkar um allt land hafa sungið og fengið nammi og vænta má þess að nammið sé búið í mörgum búðum.