Utanríkisráðuneytið hefur ekki fengið neinar tilkynningar um að Íslendingar hafi verið á meðal þeirra sem létust eða særðust í árás sjálfsvígsmanns á tónleikum bandarísku söngkonunnar Ariana Grande í Manchester Arena tónleikahöllinni í Manchester í Bretlandi í gærkvöldi.
22 létust í árásinni, þeirra á meðal börn, og 59 hafa fengið aðhlynningu við sárum sínum á sjúkrahúsum borgarinnar.
Mbl.is hefur birt viðtöl við tvo af þeim Íslendingum sem voru á tónleikunum, en utanríkisráðuneytið hvetur þá sem voru á tónleikunum til þess að láta ættingja vita af sér. Til að mynda með textaskilaboðum eða í gegnum samfélagsmiðla.